Хуткасная электрычка “Мінск — Гомель” падаражэе на чвэрць
Хуткасная электрычна міжрэгіянальных ліній “Мінск — Гомель — Мінск” з 12 кастрычніка падаражэе на чвэрць. Згодна з пастановай Міністэрства антыманапольнага рэгулявання і гандлю ад 27 верасня 2016 года №29 зацверджаныя тарыфы на перавозку пасажыраў, багажу і грузабагажу чыгуначным транспартам агульнага карыстання на гарадскіх, рэгіянальных і міжрэгіянальных лініях.
Дакумент вызначае павышаючы каэфіцыент 1,25 да дзеючых тарыфаў на праект ў цягніках рэгіянальных і міжрэгіянальных ліній бізнэс-класа, дзе забяспечваецца павышаны ўзровень камфорту для пасажыраў. Такім чынам, падаражэюць квіткі на цягнікі №707/708 і №710/709, якія злучаюць сталіцу і абласны цэнтр, паведамляе сайт Беларускай чыгункі.
На сёння квіток ад Мінска да Гомеля на гэтыя цягнікі каштуе 8 рублёў 39 капеек, на месца з роварамі — 16 рублёў 80 капеек. Пасля падвышэння тарыфы зменяцца наступным чынам: 10 рублёў 49 капеек за просты квіток і 21 рубель — за квіток на месца з роварам.
