Ілан Маск купіў сацыяльную сетку Твітар
Сацыяльную сетку Твітар купіў вядомы бізнесовец Ілан Маск. Здзелка ацэньваецца прыкладна ў 44 мільярды долараў.
У сваёй заяве Маск назваў свабоду слова асновай дэмакратыі, а Твітар — "гарадской лічбавай плошчай, дзе абмяркоўваюцца пытанні, жыццёва важныя для будучыні чалавецтва".
У самой сацсетцы ён зрабіў такі допіс: "Я спадзяюся, што нават мае горшыя крытыкі застануцца ў Твітары, бо менавіта гэта азначае свабоду слова".
Супраць продажу Твітара Маску выступаў саудаўскі прынц Аль-Валід ібн Талал, які мае 5,2% акцый кампаніі. На яго думку, цану была несправядлівай — з улікам перспектываў росту кампаніі.
I hope that even my worst critics remain on Twitter, because that is what free speech means
— Elon Musk (@elonmusk) April 25, 2022
