Каля станцыі метро "Пушкінская" зарэзалі 13-гадовага школьніка
Труп з нажавым раненнем у раёне сэрца знайшлі 23 верасня ў другой палове дня каля дома №4 па вуліцы Альшэўскага.
Як паведамляе інтэрнэт-газета "Ежедневник", Следчы камітэт пацвердзіў гэтыя звесткі. Міліцыянты затрымалі падазраванага ў злачынстве. Ім апынуўся 19-гадовы знаёмы забітага.
Следча-аператыўная група ўжо правяла агляд месца здарэння. Падчас яго былі знойдзеныя прадметы, якія маюць доказнае значэнне. Па факце забойства праваахоўнікі пачалі крымінальную справу.
Фота — deita.ru
