Канцлер Аўстрыі абмеркаваў з Лаўровым Беларусь
Лаўроў сядзіць у тым жа крэсле, што і Ціханоўская да яго
Канцлер Аўстрыі Себасцьян Курц правёў 25 жніўня ў Вене сустрэчу з міністрам замежных спраў Расіі Сяргеем Лаўровым.
"Асноўнымі тэмамі нашых перамоваў былі сумесная барацьба з COVID-19, Афганістан, Беларусь, эканоміка, грамадзянская супольнасць і культурнае супрацоўніцтва, а таксама стасункі паміж ЕЗ і Расіяй", — паведаміў пасля сустрэчы Курц.
Цікава, што Курц прымаў Лаўрова ў тым жа кабінеце, у якім раней прымаў Святлану Ціханоўскую.
Таксама "беларускае пытанне" на сустрэчы з Лаўровым узняў кіраўнік МЗС Аўстрыі Аляксандр Шаленберг.
