Кансерватыўны і прасунуты — сцэнарыі здачы суверэнітэту Беларусі?

Выступаючы 13 снежня ў Брэсце на пасяджэнні Савета міністраў Саюзнай дзяржавы, расійскі прэм'ер Дзмітрый Мядзведзеў заявіў, што існуюць два “інтэграцыйныя” сцэнарыі для Беларусі — кансерватыўны і прасунуты. Паводле першага, па словах Мядзведзева, у нас захоўваюцца тыя “контуры Саюзнай дзяржавы, якія маем сёння — без павышэння ўзроўню інтэграцыі”. Другі — з павышэннем інтэграцыі да адзінай валюты, адзінай мытнай службы, суда, падліковай палаты.

Ці можна словы Мядзведзева зразумець як прапанову Беларусі ўвайсці ў склад Расіі? Чаму сёння Беларусі не падыходзіць Саюзная дзяржава ў тым выглядзе, які прадугледжаны дагаворам аб стварэнні Саюза Беларусі і Расіі ад 8 снежня 1999 года? Ці знойдзе Мінск такія аргументы, каб і суверэнітэт краіны захаваць, і грошы ад Расіі атрымаць?

На гэтыя ды іншыя пытанні ў жывым эфіры Еўрарадыё адказвае кіраўнік Цэнтра стратэгічных і знешнепалітычных даследаванняў Арсеній Сівіцкі.

Слухаць ці запампаваць падкаст эфіру ніжэй.