Кантроль у цягніках Мінск — Вільня будзе здзяйсняцца ў Гудагаі

Памежны і мытны кантроль у цягніках Мінск — Вільня будзе здзяйсняцца на станцыі Гудагай. Як інфармуе прэс-служба Беларускай чыгункі, з 10 снежня паміж Мінскам і Вільняй пачнуць курсіраваць сучасныя электрацягнікі. Яны будуць фармавацца як беларускім бокам, так і літоўскім. Адзначаецца, што правядзенне кантроля ў Гудагаі не паўплывае на час знаходжання ў дарозе — 2 гадзіны 30 хвілін.