Кіраўніца Еўракамісіі заклікала ўхваліць пашыраныя санкцыі супраць Беларусі
Кіраўніца Еўракамісіі Урсула фон дэр Ляен пракаментавала сітуацыю з міграцыйным крызісам на беларуска-польскай мяжы. Яна заклікала краіны ЕС хутчэй ухваліць пашыраныя санкцыі супраць Беларусі ў сувязі з сітуацыяй з мігрантамі. Больш таго, з-за ўдзелу ў міграцыйным крызісе санкцыі могуць пагражаюць "авіякампаніям трэціх краін". Маюцца на ўвазе авіякампаніі, якія дастаўляюць у Беларусь мігрантаў, якія пасля спрабуюць нелегальна трапіць у краіны ЕС. Гэта значыць, што ў "чорны спіс" могуць трапіць не толькі "Белавія" і Нацыянальны аэрапорт Мінск, але і авіяперавозчыкі, на самалётах якіх мігранты дабіраюцца да Мінска са Стамбула, Дамаска і Дубая.
Урсула фон дэр Ляен заявіла, што "Беларусь павінна перастаць падвяргаць небяспецы жыцці людзей". Брусель хоча "прадухіліць гуманітарны крызіс". На мяжы Беларусі і Польшчы цяпер знаходзяцца тысячы мігрантаў.
Belarus must stop putting people’s lives at risk.
— Ursula von der Leyen (@vonderleyen) November 8, 2021
I spoke to @MorawieckiM @IngridaSimonyte @krisjaniskarins
I call for approval of extended sanctions, possible sanctions on third country airlines involved.
We also want to prevent a humanitarian crisis and ensure safe returns
