Курс долара ў Беларусі працягвае зніжацца, ён апусціўся ніжэй за 2 рублі
У панядзелак, 15 студзеня, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША, які павялічваўся з пачатку года, ад пятніцы працягвае зніжацца. Сёння ён знізіўся з 2,0048 да 1,9955 беларускага рубля. Курс еўра вырас — з 2,4202 да 2,4374 рубля. За 100 расійскіх рублёў сёння даюць 3,5403 беларускага (у пятніцу — 3,5382).
