Літва думае, як зрабіць паток беларусаў праз мяжу меншым
Мяжа Літвы і Беларусі / Sputnik
Літоўская Служба аховы дзяржаўнай мяжы хацела б, каб у краіну заязджала менш беларусаў і расіян. Зніжэнне патоку людзей, якія перасякаюць мяжу, дазволілі б наладзіць лепшы кантроль за мяжой, лічаць ва ўстанове.
"Калі патокі вялікія, забяспечыць якасны кантроль складана, мы лічым, што адзін з магчымых шляхоў — змяншэнне патоку, каб забяспечыць якасць працэдуры праверкі", – цытуе Delfi начальніка Службы аховы дзяржаўнай мяжы Літвы Рустама Любаеваса.
Паводле яго словаў, урад хуткім часам павінны абмеркаваць прапановы ў сувязі з падвышэннем якасці кантролю на мяжы. Любаеў лічыць, што калі пакінутыя на беларуска-літоўскай мяжы КПП і не закрыюць, то могуць абмежаваць час працы некаторых з іх.
