Лукашэнка паляцеў у "камандзіроўку" ў Расію

У сераду ў Сочы кіраўнікі Беларусі і Расіі збіраюцца абмеркаваць праблемныя пытанні двухбаковых дачыненняў і "перспектывы развіцця інтэграцыйных працэсаў на еўразійскай прасторы". Калі верыць беларускаму паслу ў Расіі Уладзіміру Сямашку, то мусяць быць вырашаныя праблемы нафта-газавай сферы, у тым ліку і падатковага манеўру.

Пра сустрэчу Лукашэнкі і Пуціна, прызначаную на 15 лютага, стала вядома ў панядзелак. Паведаміла пра яе прэс-служба Крамля. Адзначалася, што кіраўнікі Беларусі і Расіі прысвецяць перамовы "культурна-гуманітарнай сферы". Таму не дзіўна, што будуць запрошаныя міністры адукацыі, культуры, спорту.