Лукашэнка — пра адключэнне інтэрнэту ў дзень "выбараў"
Аляксандр Лукашэнка на МАЗе / president.gov.by
21 студзеня падчас наведвання МАЗа Аляксандр Лукашэнка пракаментаваў магчымае адключэнне інтэрнэту ў дзень "выбараў" — 26 студзеня. На мінулым тыдні з'яўлялася неафіцыйная інфармацыя пра такія планы.
"Забараніць — гэта проста: забараніў — сяджу, радуюся, — гаварыў Лукашэнка. — Забароны заўсёды не на карысць. Трэба перамагаць...". Але пры неабходнасці ён гатовы "прыняць усе неабходныя меры, калі гэта будзе датычыцца бяспекі і захавання краіны". "Але цяпер гэта не трэба, няма такой неабходнасці", — дадаў Аляксандр Лукашэнка.
"Глядзіце, без майго дазволу гэтага не рабіце", — нібыта Лукашэнка сказаў нейкім "адказным асобам" і членам ураду наконт "закрыцця інтэрнэту".
