Лукашэнка прапанаваў Румасу перабудову
6 верасня Аляксандр Лукашэнка прыняў з дакладам прэм'ер-міністра Сяргея Румаса.
Як паведамляе прэс-служба кіраўніка дзяржавы, на сустрэчы абмяркоўвалася мноства самых розных пытанняў — ад сітуацыі ў эканоміцы і пытанняў бюджэту да падрыхтоўкі II Еўрапейскіх гульняў і становішча ў беларускім футболе.
"Шмат чую са СМІ пакуль — у вас там ідуць спрэчкі паміж вамі, магчыма, і былымі членамі ўрада аб тым, што трэба планаваць і вярстаць бюджэт на два-тры гады, а, можа, ужо і на пяць наперад. Ваша кропка гледжання, пункт гледжання ўрада на гэта? Але, тым не менш, пакуль мы тут разважаем пра нейкія больш доўгія тэрміны, у нас наперадзе 2019 год. Якая праца ва ўрадзе вядзецца?" — пацікавіўся Лукашэнка.
Таксама ён прапанаваў Румасу правесці перабудову ўрада: "Можа быць, нейкія ёсць прапановы па перабудове самой структуры ўрада, схемы пабудовы, развіцця нашага ўрада. Я гатовы выслухаць".
Сяргей Румас паведаміў, што ўсе новапрызначаныя чыноўнікі ва ўрадзе без разварушвання ўключыліся ў працу. Асноўнай задачай урада на цяперашні час ён назваў падрыхтоўку прагнозаў на 2019 год. "Мы разгледзелі на мінулым тыдні на пасяджэнні Саўміна праект прагнозу, праект бюджэту ў комплексе са зменамі ў Падатковы кодэкс, і ўсё гэта, вядома, ва ўвязцы з асноўнымі напрамкамі грашова-крэдытнай палітыкі", — заявіў прэм'ер-міністр.
