Лукашэнка заявіў, што Беларусь вырабляе пускавыя ўстаноўкі для "Арэшніка"

Лукашэнка заявіў, што Беларусь вырабляе пускавыя ўстаноўкі для "Арэшніка" і чакае ракет ад "старэйшага брата".

"Некалькі пускавых установак, якія для "Арэшніка" прызначаныя, мы сёння ўжо фактычна заканчваем — будаўніцтва, выраб. Ад старэйшага брата ракета патрэбна будзе", — заявіў Лукашэнка.

Што такое "Арэшнік"?

У лістападзе 2024 года Пуцін заявіў, што расійскае войска нанесла па Украіне ўдар "балістычнай ракетай у бяз'ядзерным гіпергукавым абсталяванні" "Арэшнік".

Ён заявіў, што "шанцаў збіць "Арэшнік" няма", і прыгразіў праверыць ракету "на якім-небудзь аб'екце ў Кіеве". Пазней Лукашэнка папрасіў Пуціна размясціць "Арэшнік" у Беларусі.