Лукашэнку запрасілі ў Маскву дзяліцца вопытам
Кіраўнік Беларусі запрошаны на Маскоўскі эканамічны форум, які пройдзе ў расійскай сталіцы 26-27 сакавіка.
Арганізатары просяць Аляксандра Лукашэнку падзяліцца на форуме досведам падтрымкі айчыннага вытворцы і іншымі нюансамі эканамічнай палітыкі Беларусі, накіраванай на развіццё рэальнага сектара эканомікі. "Поспех беларусаў не выпадковы факт, а вынік эканамічнай палітыкі, якая праводзіцца прэзідэнтам краіны", — цытуе паведамленне БелаПАН.
Афіцыйнае запрашэнне Лукашэнку перадалі праз амбасаду Беларусі ў Маскве.
Фота — АР
