Масавыя беспарадкі ў калоніі — прайшоў чарговы этап вучэнняў МУС

Чарговы этап "перадвыбарчых вучэнняў" МУС правяло на тэрыторыі папраўчай калоніі. Міліцыянты практыкаваліся змагацца з масавымі беспарадкамі ў папраўчых установах.

Міністр унутраных спраў Іван Кубракоў нагадаў пра падобны інцыдэнт у Расіі, калі падчас бунту загінулі ахоўнікі калоніі.

Падчас трэніроўкі свае навыкі дэманстравала зводная групоўка, у якую ўвайшлі прадстаўнікі розных падраздзяленняў.

У беларускіх калоніях на сённяшні дзень каля 1300 палітвязняў, але небяспека сыходзіць хутчэй ад адміністрацый калоній, чым ад іх. Пасля 2020-га ў турмах і калоніях Беларусі загінулі ўжо як мінімум сем палітвязняў.