Мінскае "Дынама" прайграла другі матч у Лізе Канферэнцый
"Дынама" — ХІК / sb.by
Мінскае "Дынама" прайграла другі матч у Лізе Канферэнцый. У Хельсінкі беларускі клуб прапусціў адзін мяч ад мясцовага ХІКа і не змог забіць у адказ.
"Дынама" валодала ініцыятывай ад самага пачатку гульні, аднак не змагла ўвасобіць яе ў забітыя галы. Фіны адкрылі лік на самым пачатку другога тайма. А напрыканцы матча маглі падвоіць перавагу. Але галкіпер Фёдар Лапаухаў адбіў пенальці пасля таго, як Трафім Мельнічэнка зарабіў чырвоную картку, згуляўшы рукой на лініі варот.
Наступны матч "Дынама" правядзе ў Варшаве супраць "Легіі". Гульня пройдзе 7 лістапада. На яе напэўна прыйдзе шмат беларускіх футбольных заўзятараў, якія былі вымушаныя пакінуць радзіму і сёння жывуць у Польшчы.
