Міжнародны саюз трыятлона дапусціў беларусаў і расіян да спаборніцтваў
Санкцыі здымаюцца / Ілюстрацыйнае фота pixabay.com
Міжнародны саюз трыятлона дапусціў беларускіх і расійскіх спартсменаў да спаборніцтваў. Яны змогуць выступаць выключна ў нейтральным статусе. Такое рашэнне выканаўчы камітэт арганізацыі прыняў 13 красавіка. Міжнародны саюз трыятлона тлумачыць яго рэкамендацыямі Міжнароднага алімпійскага камітэта, які дазволіў беларусам і расіянам удзельнічаць у спаборніцтвах у нейтральным статусе.
Згаданая рэкамендацыя МАК з'явілася ў канцы сакавіка сёлета. Яе ўспрынялі ў свеце неадназначна. Некаторыя спартыўныя федэрацыі працягнулі абмежаванні для спартсменаў з РБ і РФ.
Як вядома, санкцыі супраць беларускага і расійскага спорту былі ўведзены летась пасля пачатку агрэсіі Расіі супраць Украіны.
