Мужчына забараніў хлопцу сустракацца з дачкой, а той падпаліў яго машыну

У Гарадку ў Віцебскай вобласці рассследуецца крымінальная справа, распачатая па факце падпалу аўтамабіля MAZDA CX7. Артыкул — "наўмыснае пашкоджанне маёмасці, здзейсненае агульнанебяспечным спосабам, што пацягнула прычыненне шкоды ў буйным памеры" (ч. 2 арт. 218 КК).

Як інфармуе афіцыйная прадстаўніца УСК па Віцебскай вобласці Святлана Сахарава, здарэнне адбылося ў 6.30 раніцы 10 студзеня. Аўтамабіль 42-гадовага жыхара Гарадка быў прыпаркаваны ў двары аднаго з дамоў. Агонь моцна пашкодзіў легкавік, страты былі ацэненыя на суму больш за 6 тысяч рублёў.  

У якасці падазраванага праходзіць 21-гадовы мясцовы жыхар. Напярэдадні падпалу ўначы ён распіваў алкагольныя напоі, а пасля ездзіў па горадзе на аўтамабілі маці. Тады ў яго і з'явіўся план падпаліць легкавік бацькі знаёмай дзяўчыны, які забараніў яму з ёй сустракацца. На запраўцы частку бензіну ён адліў у бутэльку. Яго ён выліў на дах "Мазды", падпаліў і пайшоў.

Расследаванне крымінальнай справы працягваецца. Прызначныя экспертызы, правяраецца матыў учынення злачынства. Падазраваны даў абавязацельства пра яўку.