На 27 сакавіка сіноптыкі абвясцілі аранжавы ўзровень небяспекі
27 сакавіка ў Беларусі чакаецца воблачнае з праясненнямі надвор'е, інфармуе Белгідрамет.
Уначы на большай частцы тэрыторыі, а ўдзень па паўднёвым усходзе краіны пройдуць кароткачасовыя ападкі — пераважна мокры снег. Уначы і зранку на асобных участках дарог прагназуецца галалёдзіца. Вецер будзе паўднёвы, зранку і ўдзень з пераходам на паўночны ўмераны да парывістага. Уначы па захадзе краіны чакаецца моцны парывісты вецер — да 15-20 метраў за секунду. У сувязі з гэтым сіноптыкі абвясцілі аранжавы ўзровень небяспекі.
Уначы прагназуецца ад -4 да +2 градусаў, удзень будзе 1-7 вышэй за нуль.
