На 30 студзеня прагназуюць моцны мокры снег і парывісты вецер

30 студзеня ў Беларусі будзе пераважаць воблачнае надвор'е, паведамляе Белгідрамет. 

На большай частцы тэрыторыі пройдуць ападкі — у асноўным гэта будзе мокры снег. Па ўсходзе краіны чакаецца моцны мокры снег. Месцамі прагназуецца наліпанне мокрага снегу, на асобных участках дарог — галалёдзіца. Вецер будзе паўночна-заходні парывісты, зранку і ўдзень па паўднёвым усходзе — моцны парывісты, месцамі завіруха. 

Тэрмометры ўначы пакажуць -3...+2, удзень чакаецца ад 1 градуса марозу да 4 цяпла.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.