На адным з самых высокіх будынкаў Масквы вывесілі сцяг Украіны (фота)

Невядомыя вывесілі ўкраінскі сцяг на шпілі сталінскай высоткі на Кацельнічаскай набярэжнай, паведамляе "Інтэрфакс". Палотнішча на шпілі дома з'явілася рана раніцай. Верхалазы знялі яго толькі праз некалькі гадзін.

У адзін з паліцэйскіх пастарункаў Масквы дастаўленыя некалькі маладых людзей з альпінісцкім рыштункам, якія могуць быць датычныя да акцыі.

"Паводле папярэдняй інфармацыі, невядомыя праніклі па ўнутраных лесвіцах будынка да апошняга паверха, а затым замацавалі палотнішча на шпілі", - расказваюць у паліцыі. Акрамя вывешвання сцяга невядомыя паспелі пафарбаваць палову зоркі, якая вянчае шпіль высоткі, у блакітны колер. Па папярэдняй інфармацыі, усе дастаўленыя паліцыю жыхары Масквы і Маскоўскай вобласці.

Рабочы, якога паслалі здымаць з высоткі сцяг, робіць на яго фоне сэлфі. Фота Іллі Варламава.