Над вайсковай часцю ў Гродне спрабавалі збіць беспілотнік
У беларускім войску адпрацоўваюць збіццё дронаў са стралковай зброі (ілюстрацыйнае фота) / t.me/zapadny_rubesz/
Над вайсковай часцю ў Гродне спрабавалі збіць беспілотнік. Здарэнне адбылося на мінулым тыдні. Афіцыйнай інфармацыі пра яго пакуль няма.
Як піша BYPOL са спасылкай на свае крыніцы, надзвычайнае здарэнне ў Гродзенскім вайсковым гарнізоне адбылося 9-10 студзеня. Над тэрыторыяй 6-й асобнай гвардзейскай механізаванай брыгады праляцеў беспілотнік. Яго заўважылі. Па беспілотніку адкрылі агонь са стралковай зброі, але яго збіць не ўдалося.
Беларускія вайскоўцы яшчэ ў мінулым годзе вучыліся збіваць беспілотнікі са стралковай зброі, выкарыстоўвалі стрэльбы і аўтаматы.
Праблема збіцця беспілотнікаў вельмі актуальная для Беларусі. Расійскія "шахеды" з ліпеня 2024-га рэгулярна залятаюць у РБ.
