Названыя лепшыя гульцы і трэнер у беларускім баскетболе
Названыя лепшыя гульцы і трэнер у беларускім баскетболе. Традыцыйнае штогадовае апытанне спецыялістаў правяла спартыўная газета "Прессбол". Па яго выніках, галоўны трэнер мінскіх "Цмокаў" Ігар Грышчук прызнаны лепшым баскетбольным трэнерам Беларусі 2016 года. У яго 39% галасоў, больш, чым набралі Анатоль Буяльскі і Аляксандр Круцікаў.
Лепшай баскетбалісткай нашай краіны стала Анастасія Верамеенка, цэнтравая зборнай Беларусі і турэцкага "Фенербахчэ". Яна набрала 55% галасоў. Верамеенка прызнаецца лепшай баскетбалісткай нашай краіны ўжо восьмы раз.
Лепшым баскетбалістам Беларусі 2016-га стаў Арцём Парахоўскі, цэнтравы зборнай нашай краіны і казанскага УНІКСа. Ён набраў 67% галасоў. Парахоўскі стаў найлепшым баскетбалістам Беларусі трэці раз запар.
