Няма каму вазіць: жыхары пад Мінскам просяць зручны маршрут аўтобуса
У пасёлак пад Мінскам перасталі хадзіць маршруткі / slavgorod.by
Жыхары буйнога пасёлка Гарадзішча пад Мінскам у верасні засталіся без маршрутнага таксі, якое заязджала ў самыя аддаленыя куткі пасёлка і карысталася вялікай папулярнасцю.
Пасля калектыўнага звароту жыхароў Мінтранс прапанаваў ім унесці свае прапановы што да паляпшэння транспартнага абслугоўвання. Жыхары папрасілі дадаць аўтобусы і змяніць маршрут аднаго з іх, каб ён забіраў пасажыраў з аддаленых частак пасёлка.
Аднак, разгледзеўшы зварот, ведамства даслала адказ, у якім паведаміла, што праз недахоп кіроўцаў запуск новага аўтобуснага маршруту немагчымы.
