Падазронага ў шпіянажы для Беларусі літоўца асудзілі за падробку дакументаў

Грамадзянін Літвы Мантас Даниелюс, абвінавачаны ў шпіянажы на карысць Беларусі, асуджаны за падробку дакументаў, піша выданне 15min.lt. Гэта крымінальная справа не звязаная са шпіянажам.

Мужчыну асудзілі да двух гадам пазбаўлення волі з адтэрмінаваннем. Цягам бліжэйшых двух год асуджаны абавязаны працаваць ці быць на ўліку ў службе занятасці, не выязджаць за межы месца жыхарства без дазволу ўстановы, што наглядае за ім.

Даниелюс — юрыст з Вільнюса, гэта ўжо дзявяты прысуд у яго дачыненні. Цяпер ён праходзіць падазраваным яшчэ па адной справе. Праваахоўнікі падазраюць, што ён пракраўся ў беларускія арганізацыі ў Літве і перадаваў інфармацыю пра іх беларускай выведцы.