Палітвязню Мікалаю Аўтуховічу пагражае сур’ёзная хвароба
У зняволенага кепскія паказнікі крыві: можа развіцца цукровы дыябет.
Маці палітвязня Лідзія Юльянаўна непакоіцца, што ў турме неабходнага лекавання яе сын можа і не атрымаць.
“Калі будуць даваць яму таблеткі ад цукру, то будзе лячыцца, а калі не — дык справы дрэнныя. Пакуль я не ведаю, як будзе. Напісала яму ліст, але адказу яшчэ няма”.
Паводле Лідзіі Юльянаўны, да Мікалая Аўтуховіча ў канцы году збіраецца на спатканне яго жонка Алена. Сама Алена Аўтуховіч у размове з карэспандэнтам Радыё Свабода не выключыла, што спатканне можа адбыцца і ў пачатку новага году.
Мікалай Аўтуховіч асуджаны на 5 гадоў і 2 месяцы за захоўванне патронаў. Сам прадпрымальнік з Ваўкавыску кажа, што з ім паквіталіся за яго барацьбу з мясцовымі карупцыянерамі.
