Памёр Барыс Няўзораў, які здымаўся ў "Людзях на балоце" і "Шляхціцы Завальні"
Ва ўзросце 72 гадоў памёр народны артыст Расіі Барыс Няўзораў.
"Сёння памёр, кавід", — паведаміла агенцтву ТАСС дырэктарка расійскага Малага тэатра Тамара Міхайлава.
Барыс Няўзораў нарадзіўся 18 студзеня 1950 года ў станіцы Староминская Краснадарскага краю.
Акрамя тэатра Няўзораў актыўна здымаўся ў фільмах: на яго рахунку больш за сто роляў у кіно і серыялах. У 1981 годзе Няўзораў сыграў ролю Яўхіма Глушака ў фільме Віктара Турава "Людзі на балоце" паводле рамана Івана Мележа. Праз год ён зняўся ў працягу — фільме "Подых навальніцы".
Здымаўся ён і ў іншых беларускіх фільмах — "Чорны бусел", "Шляхціц Завальня, або Беларусь у фантастычных апавяданнях", "Кветкі правінцыі".
