Памёр рэктар Педуніверсітэта Пятро Кухарчык
Гэта адбылося 2 сакавіка на 69-м годзе жыцця рэктара Беларускага дзяржаўнага педагагічнага ўніверсітэта.
Як нагадвае nn.by, Кухарчык быў доктарам фізіка-матэматычных навук, прафесарам, членам-карэспандэнтам Нацыянальнай акадэміі навук. Ён аўтар звыш 170 навуковых прац, у тым ліку адной манаграфіі, і 42 вынаходніцтваў.
Ад лістапада 2001-га да сакавіка 2003-га Кухарчык быў рэктарам Акадэміі кіравання пры прэзідэнце, з 2003 года да гэтага часу — рэктарам БДПУ імя Максіма Танка.
Фота — ctv.by
