Пазняк: пасля змены ўлады ў Беларусі Ціханоўская трапіць пад следства

Зянон Пазняк па-ранейшаму крытычна ацэньвае атачэнне Ціханоўскай, піша пра "газпрамаўска-эфэсбоўскую публіку" (так ён характарызуе прыхільнікаў палітвязня Віктара Бабарыкі і шэраг іншых палітычных сіл), якая нібыта спрабуе апазіцыйную лідарку выкарыстаць у сваіх мэтах.

А вось пра палітвязня Сяргея Ціханоўскага Пазняк піша больш-менш пазітыўна. Яшчэ ў канцы вясны 2020-га ён называў блогера "змагаром", "арганізатарам і рэальным аўтарэтэтам пратэстнага руху". Тады ж Сяргей Ціханоўскі трапіў за краты і быў ізаляваны. Зянон Пазняк нагадвае, што Ціханоўскі выступаў за байкот прэзідэнцкіх выбараў, быў адзіным, хто не падаў руку Аляксандру Лукашэнку падчас сустрэчы ў СІЗА КДБ. Ён мог бы стаць "на пазіцыі Беларускага нацыянальна-вызвольнага руху і беларускага нацыянальнага адраджэння", мяркуе палітэмігрант, хаця і лічыць гэта малаверагодным. А прычынай называе тую самую "праблему", якая можа ўзнікнуць у Святланы Ціханоўскай пасля змены ўлады.