Перамовы Пуціна і Лукашэнкі ў Крамлі зацягнуліся на чатыры гадзіны
Амаль чатыры гадзіны працягваліся ў Крамлі перамовы памж кіраўнікамі Беларусі і Расіі — Аляксандрам Лукашэнкам і Уладзімірам Пуціным, перадае ТАСС.
Спярша адбылося пасяджэнне ў пашыраным фармаце з удзелам дэлегацый абедзвюх краін. Пасля кароткага абмену прывітаннямі Пуцін запрасіў Лукашэнку на пераднавагодні абед без удзелу дэлегацыяў.
Падрабязнасці перамоваў пакуль што не паведамляюцца. Мяркуецца, што беларуская дэлегацыя прыехала абмяркоўваць страты ад расійскага падатковага манеўру ў нафтавай сферы. Расійскі ж бок выказваў прэтэнзіі да перыядычнага парушэння мытнага рэжыму з боку Беларусі: пастаўкі санкцыйных і безакцызных тавараў.
