Пераважна без ападкаў будзе ў Беларусі да канца доўгіх выходных

У пятніцу, 8 лістапада, у Беларусі будзе пераважаць воблачнае надвор'е, паведамляе Белгідрамет.

Будзе пераважна без ападкаў. У асобных раёнах прагназуецца слабы туман, уначы і зранку — слабы галалёд, як і ў чацвер. Вецер уначы будзе паўночна-заходні слабы да ўмеранага, удзень — няўстойлівы слабы.

Тэрмометры ўначы пакажуць ад 0 да +6, месцамі будзе да 1 градуса марозу. Удзень прагназуецца 3-9 цяпла.

У суботу і нядзелю таксама будзе воблачна з праясненнямі і пераважна без ападкаў. Толькі ўдзень 10 лістапада па паўночным усходзе краіны месцамі пройдуць невялікія кароткачасовыя дажджы. Удзень паветра прагрэецца да 4-9 градусаў са знакам "плюс".