Польшча працягвае спробы па вызваленні Пачобута — Сікорскі

Польшча працягвае спробы вызваліць палітвязня Анджэя Пачобута ў Беларусі. Пра гэта міністр замежных спраў краіны Радаслаў Сікорскі заявіў у эфіры тэлеканала TVN.

"Мы ўсе ведаем, што гэта за рэжым. Мы спрабуем паўплываць на гэтую сітуацыю па розных каналах, як на нашым кантыненце, так і ў згодзе з нашымі саюзнікамі", — падкрэсліў Сікорскі.

Ён нагадаў палякам, што ў Беларусі і Расіі ўсталяваліся жорсткія аўтарытарныя рэжымы. Палітык параўнаў сітуацыю з ваенным становішчам у Польшчы на пачатку 1980-х. І гэтае параўнанне было не на карысць сённяшняй Беларусі: "Але давайце ўспомнім, што ў Беларусі палітвязняў у адносінах да яе насельніцтва больш, чым у Польшчы падчас ваеннага становішча. Сапраўды гэтак жа, як у Расіі больш палітвязняў, чым у загніваючым Савецкім Саюзе, чым пры Брэжневе".

Кіраўнік польскага МЗС дадў, што ўсе польскія ўрады спрабавалі весці нейкую гульню з Лукашэнкам, але вынік быў заўжды аднолькавы.