Праблема з вадой у Бешанковічах вырашана

Ваду ў Бешанковічах можна піць, паведамілі мясцовыя ўлады праз рэгіянальнае выданне "Зара".

"Пробы вады, адабраныя 23, 24 і 25 красавіка, адпавядаюць патрабаванням па мікрабіялагічных паказчыках, патагеннай мікрафлоры не выдзелена", гаворыцца ў паведамленні.

У сувязі з гэтым спынены падвоз пітной вады.

Нагадаем, у ноч з 29 на 30 сакавіка ў гарадскім пасёлку здарылася аварыя на водаправодных сетках. Пасля гэтага мясцовыя жыхары сталі скардзіцца непрыемны рэзкі пах вады з-пад крана. Акрамя таго, як мяркуецца, з-за вады сумнеўнай якасці ў бальніцы апынуліся як мінімум 17 чалавек, у тым ліку 13 дзяцей. Міністэрства аховы здароўя накіроўвала у горад спецыяльную камісію, а СК праводзіў праверку па факце надзвычайнага здарэння.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.