Прэзідэнту ЗША спадабалася расійская прапанова па Сірыі
Барак Абама станоўча ацаніў прапанову Расіі, але прызнаў, што ўспрымае яе са скепсісам.
Напярэдадні міністр замежных спраў Расіі Сяргей Лаўроў прапанаваў, каб рэжым Башара Асада перадаў кантроль над хімічнай зброяй міжнароднай супольнасці. Кіраўніцтва Сірыі прывітала гэтую прапанову.
Тым не менш, на думку Абамы, гэта можа быць толькі тактычным выкрутам з боку Сірыі, каб выйграць час. Аднак прэзідэнт Злучаных Штатаў заявіў, што ваенная аперацыя супраць Сірыі будзе адкладзеная, калі хімічная зброя будзе перададзеная пад міжнародны кантроль, перадае РБК.
Фота — rus.ruvr.ru
