П'яны выкладчык з вучнямі ўчыніў пагром на могілках у Полацку

Былога выкладчыка навучальнай установы суд у Наваполацку прысудзіў да 10 гадоў пазбаўлення волі за здзек над магіламі і ўцягванне непаўналетніх у злачынствы. Пра гэта ў эфіры "Альфа-Радыё" 20 снежня распавяла афіцыйная прадстаўніца Следчага камітэта Юлія Ганчарова.

Прысуд пакуль не набыў законную моц, адзначае БелаПАН.

Па словах Ганчаровай, здарэнне адбылоўся ў лістападзе 2015 года. Нецвярозы выкладчык, якому тады было 25 гадоў, разам з двума сваімі вучнямі ўчыніў літаральна пагром на могілках Экімань на ўскраіне Полацка. "Рукамі, нагамі, шляхам спалення яны шкодзілі і знішчалі помнікі, надмагільныя пліты, прадметы пахавальнага абраду — усё, што знаходзіцца на могілках: крыжы, шыльды, вянкі... Яны пашкодзілі агароджы на 67 магілах", — адзначыла прадстаўніца Следчага камітэта.  Па яе словах, шкода ацэньваецца ў прыкладна на 300 млн недэнамінаваных рублёў.

Непаўналетнім вучням суд прызначыў па сем гадоў пазбаўлення волі з адтэрміноўкай выканання прысуду на тры гады.