Рабаў: У другой палове тыдня ў Беларусі прагназуецца мокры снег

У другой палове тыдня ў Беларусі прагназуецца мокры снег. Пра гэта паведаміў БЕЛТА начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў. Паводле яго слоў, большую частку тыдня надвор'е ў нашай краіне будзе па-ранейшаму вызначаць скандынаўскі антыцыклон. Тэмпература паветра чакаецца на 2-3 градусы ніжэйшая за кліматычную норму.

У аўторак, 18 кастрычніка, пераважна без ападкаў. У начныя гадзіны прагназуецца ад 0 да мінус 6 градусаў (у Мінску — ад 0 да мінус 2 градусаў), у дзённыя — ад 3 да 9 градусаў са знакам плюс. У сераду, 19 кастрычніка, толькі ў Брэсцкай вобласці магчымыя кароткачасовыя дажджы. Уначы будзе ад мінус 4 да 3 градусаў цяпла, удзень — плюс 3-9.

У чацвер, 20 кастрычніка, кароткачасовыя дажджы магчымыя толькі на захадзе краіны. Тэмпература паветра ў начныя гадзіны складзе ад мінус 3 да плюс 4 градусаў (на Віцебшчыне — да мінус 5), у дзённыя гадзіны — 2-9 цяпла. Якраз у пятніцу, 21-га, уначы і раніцай месцамі па Беларусі магчымы мокры снег, а на Брэстчыне — дажджы. Уначы тэмпература паветра складзе ад мінус 4 да плюс 3 градусаў, удзень — 2-9 градусаў са знакам плюс.

Мокры снег магчымы ў суботу і нядзелю. У начныя гадзіны прагназуецца ад мінус 3 да плюс 4 градусаў, удзень — ад 2 да 9 цяпла.