Раман быхаўскага пісьменніка-фантаста выдалі на венгерскай мове

Раман быхаўскага пісьменніка-фантаста Сяргея Антонава выдалі на венгерскай мове. Раней “Цёмныя тунэлі” выдаваліся ў перакладзе на нямецкую, польскую і карэйскую мовы. У арыгінале ён быў напісаны на рускай мове і выйшаў у серыі “Сусвет метро 2033”, пішуць “Магілёўскія ведамасці”.

Кніга распавядае аб выжыўшых у метро пасля ядзернай вайны, а таксама аб прыгодах, якія выпалі на долю ваякі-анархіста Анатоля са станцыі “Гуляй-поле”. Галоўны герой рамана адпраўляецца са сваім атрадам на чырвоную лінію, каб знішчыць сакрэтную лабараторыю, у якой камуністы ствараюць у ваенных мэтах геннамадыфікаваных людзей, якія маюць звышчалавечыя здольнасці.

Сяргей Антонаў з’яўляецца сябрам Партыі БНФ. У 2014 годзе балатаваўся ў Магілёўскі абласны Савет дэпутатаў.