Прэзідэнтам Чэхіі хоча стаць чалавек, амаль увесь пакрыты татуіроўкамі
На пасаду прэзідэнта Чэхіі вылучыў сваю кандыдатуру чэшскі мастак Уладзімір Франц. Ён вядомы перадусім як чалавек, цела якога на 90% пакрыта татуіроўкамі.
У падтрымку Уладзіміра Франца ў сацыяльнай сетцы Facebook была створаная агітацыйная група, якая на дадзены момант складае амаль 5.000 чалавек. Аднак для ўдзелу ў выбарах Уладзіміру Францу неабходна сабраць 50.000 подпісаў, паведамляе "Пражскі тэлеграф". Таксама Уладзімір з'яўляецца юрыстам і кампазітарам.
Прэзідэнта Чэхіі будуць абіраць у 2013 годзе. Упершыню гэта будуць прамыя выбары, дагэтуль прэзідэнт абіраўся дэпутатамі парламента.
Фота: franz.wz.cz, compositiontoday.com, requinuv.blog.cz, ceskapozice.cz
