Заіка: Адмена ліцэнзавання – гэта толькі паўлібералізацыя!

Ліцэнзаванне 16 відаў дзейнасці адмяняецца ў Беларусі з 1 студзеня наступнага года. Сярод іх – турыстычная, латарэйная, аўдытарская, транспартна-экспедыцыйная дзейнасць, а таксама дзейнасць па арганізацыі і правядзенні інтэрактыўных гульняў, вядзенне рыбалоўнай і паляўнічай гаспадаркі, распаўсюд прававой інфармацыі. Таксама не спатрэбіцца ліцэнзія для рознічнага гандлю (апроч алкаголю і тытуню) і тэлематычных паслуг сувязі.

"Гэта проста здзек!, – абураецца эканаміст Сяргей Чалы. – Па той простай прычыне, што гэта пытанне мае паўтарагадовую гісторыю. І гаворка ішла пра 35-50 відаў. Адмена з такой капеечнай колькасці – палавінчаты крок, як быццам, вось нам даручылі і мы зрабілі, а ў рэальнасці – гэта проста здзек"

Эксперт адзначае, што галоўныя праціўнікі лібералізацыі ў гэтай сферы – органы, якія выдзяленне ліцэнзій "пасвяць". З адменай ліцэнзій яны рызыкуюць згубіць свой рэнтавы даход.

"Вядома, яны працівіліся гэтаму, – працягвае Сяргей Чалы. – І гэтая лічба "16" гаворыць пра тое, што яны перамаглі ў гэтай барацьбе. Гэта проста смешна, што казалі пра 35-50, а замест гэтага маем 16».

Усё што цяпер кажацца – перадвыбарчыя рэчы, тлумачыць Сяргей Чалы. Ён сумняваецца, што да прэзідэнцкіх выбараў адбудзецца большая лібералізацыя. Такое самае меркаванне мае і эканаміст Леанід Заіка

Леанід Заіка: "Вось такія меры: даць вялікі кавалак смачнага электарату перад выбарамі, і трохі пагладзіць бізнэс-кацяня па галаве. Але гэта не лібералізацыя, нават не паўлібералізацыя, гэта жангляванне інтарэсамі сацыяльных груп".

Леанід Заіка нагадвае пра іншую сур'ёзную эканамічную меру, якая адаб'ецца на бюджэце: павышэнне заробку на 16% службоўцам і супрацоўнікам дзяржаўных структур.

Леанід Заіка: "Тое што адбываецца – гэта вымушаныя меры. Яны не хочуць развіваць бізнэс. Чыноўнікі хацелі б спярша прыватызаваць тое, што ёсць, а пасля прымаць выгадныя сабе законы".

Эксперт нагадвае, што ў распрацаванай спецыялістамі Нацыянальнай платформе бізнэса прадугледжваецца адмена ліцэнзавання для большасці відаў дзейнасці.

Адзначым, што атрыманне ліцэнзій засталося для 37 відаў дзейнасці.

1. Транспартна-экспедыцыйная дзейнасць

2. Турыстычная дзейнасць

3. Распаўсюджванне прававой інфармацыі

4. Праектаванне і будаўніцтва будынкаў і збудаванняў I і II узроўняў адказнасці і правядзенне інжынерных прац для гэтых мэтаў

5. Перапрацоўка, кансерваванне рыбы і морапрадуктаў

6.  Рознічны гандаль (акрамя алкаголю і тытуню) 

7.  Латарэйная дзейнасць

8. Дзейнасць па арганізацыі і правядзенні інтэрактыўных гульняў

9. Дзейнасць па нарыхтоўцы і перапрацоўцы драўніны 

10. Дзейнасць у галіне мытнай справы

11. Дзейнасць у галіне авіяцыі

12.  Дзейнасць часовага (антыкрызіснага) кіраўніка ў вытворчасці па справе аб банкруцтве

13.  Геадэзічная і картаграфічная дзейнасць

14. Вядзенне рыбалоўнай гаспадаркі

15.  Вядзенне паляўнічай гаспадаркі

16.  Аўдытарская дзейнасць

Некаторыя віды адмененыя не цалкам. Сярод іх – Дзейнасць унутранага воднага, марскога транспарту, тэлематычныя паслугі сувязі, выданне друкаваных СМІ, дзейнасць па зборы інфармацыі пра фізасоб у мэтах іх знаёмства (акрамя знаёмства з замежнікамі).

Адвакацкая дзейнасць

Банкаўская дзейнасць

Ветэрынарная дзейнасць

Дзейнасць у сферы аўтамабільнага транспарту

Дзейнасць у сферы выкарыстання атамнай энэргіі і крыніцаў іённага выпрамянення

Дзейнасць у сферы гульнявага бізнэсу

Дзейнасць па закупцы лома і адкідаў чорных ды каляровых металаў

Дзейнасць па забяспячэнні пажарнай бяспекі

Дзейнасць на псіхалагічнай дапамозе

Дзейнасць па распрацоўцы і вытворчасці бланказ строгай справаздачнасці, а таксама спецыяльных матэрыялаў для абароны іх ад падробкі

Дзейнасць па тэхнічнай абароне інфармацыі, у тым ліку крыптаграфічнымі метадамі

Дзейнасць, звязаная з уплывам на наваколле

Дзейнасць, звязаная з каштоўнымі металамі і камянямі

Дзейнасць, звязаная з крыптаграфічнай абаронай інфармацыі і сродкамі негалоснага атрымання інфармацыі

Дзейнасць, звязаная з абаротам наркатычных сродкаў і псіхатропных рэчываў

Дзейнасць, звязаная з аздараўленнем дзяцей за мяжой

Дзейнасць, звязаная з кантраляваннем радыеаткыўнага забруджання

Дзейнасць, звязаная з працаўладкаваннем грамадзянаў за мяжой, зборам і распаўсюдам інфармацыі аб фізічных асобах у мэтах іх знаёмства

Дзейнасць, звязаная з прадукцыяй ваеннага прызначэння

Дзейнасць, звязаная з вытворчасцю алкагольнай, нехарчовай прадукцыі, якая змяшчае спірт, нехарчовага этылавага спірту і табачных вырабаў

Дзейнасць, звязаная з вытворчасцю алюмінію, свінцу, цынка, волава, медзі і ліццём гатовых вырабаў і паўфабрыкатаў з алюмінію і цяжкіх каляровых мэталаў

Дзейнасць, звязаная з службовай і грамадзянскай зброяй і баявым начыннем да яго, калекцыянаваннем і экспанаваннем зброі і баявога начыння

Выдавецкая дзейнасць

Медыцынская дзейнасць

Адукацыйная дзейнасць

Юрыдычныя паслугі

Аптовы і рознічны гандаль нафтавымі прадуктамі

Аптовы гандаль і захоўванне алкагольнай, нехарчовай прадукцыі, якая змяшчае спірт, нехарчовага этылавага спірту і табачных выбараў

Ахоўная дзейнасць

Паліграфічная дзейнасць

Прафесіянальная і біржавая дзейнасць па каштоўных паперах

Рознічны гандаль алкагольнымі напоямі і табачнымі вырабамі

Страхавая дзейнасць

Фармацэўтычная дзейнасць

Прыватная натарыяльная дзейнасць