Самае старое віно ў свеце і мікрапластык у геніталіях. #ІхНоравы

Знаходка была зробленая падчас рэстаўрацыйных работ у рымскай грабніцы ў горадзе Кармона на поўдні краіны. Чырванаватую вадкасць заўважылі ў скрынях, якія захоўваюцца ў грабніцы са старажытнымі рэшткамі. Археаахімічныя аналізы пацвердзілі, што гэта насамрэч віно, якое захавалася ў вадкім стане дзякуючы спецыяльным умовам захоўвання.

Паводле навукоўцаў, склад віна ўключае тыповыя для старажытных рымскіх вінаў паліфенолы і характэрныя мінералы. Хімічны аналіз паказаў, што знойдзенае віно нечым падобнае і да сучасных вінаў, што вырабляюцца на поўдні Іспаніі.

102-гадовая сведка Халакоста на вокладцы Vogue

— Не глядзіце, што вас раздзяляе. Глядзіце на тое, што аб'ядноўвае вас, — кажа Марго Фридлендер, якая стане тварам новага нумара часопіса Vogue.

Жанчыне 102 гады. Сёння яна застаецца адной з апошніх жывых сведкаў Халакосту. Цягам многіх гадоў яна працягвае расказваць пра тое, што ёй давялося перажыць, актыўна ўдзельнічае ў грамадскім жыцці, захоўваючы памяць пра ахвяраў і злачынствы нацыстаў.

У 1936 годзе Марго паступіла ў мастацкую школу, марачы навучыцца шыць сукенкі, зрабіцца дызайнеркай моды. "У мяне былі вялікія планы", — успамінае яна. Але пахмурным днём у чэрвені 1944-га Марго была дэпартаваная ў нацысцкі канцлагер Тэрэзіенштат, які размяшчаўся на тэрыторыі цяперашняй Чэхіі.

Яе маці і брата адправілі ў Асвенцім, адкуль яны не вярнуліся.

Марго пашанцавала. Выйшаўшы на волю, яна з'ехала ў Нью-Ёрк, падарожнічала, займалася любімай справай.

Пасля смерці мужа, калі ёй было 88 гадоў, Марго Фрыдлендэр вярнулася ў Берлін.

Іх агульны ўзрост складае 571 год і 293 дня. Найстарэйшай сястры 101 год, а наймалодшай — 88. У сям'і таксама быў брат на імя Стэнлі, але ён загінуў у аварыі з роварам, калі яму быў 81 год. Калі б не трагедыя, сёлета яму было б 102 гады.

Сёстры кажуць, што часам сварацца, але ніколі доўга не злуюцца адна на адну. Кожнае лета яны выязджаюць на пікнік — гэтую традыцыю заклала іх маці.

"Гэтая спроба ўсталяваць рэкорд зрабілася хвалявальным часам для сёстраў, якія цяпер на заходзе свайго жыцця", — расказвае сын найстарэйшай з іх — Нормы.

Мікрапластык у пенісах

Навукоўцы знайшлі ў мужчынскіх палавых органах мікрапластык. Паводле даследнікаў, ён можа трапляць туды пра актыўны прыток крыві падчас эрэкцыі.

Людзі паглынаюць мікрапластык праз ежу, пітво і дыханне, і драбнюткія часціцы трапляюць у кроў.

Падчас даследавання ацэньваліся тканкі, узятыя ў пяці мужчынаў, якія перанеслі аперацыю з прычыны эректільной дысфункцыі. Мікрапластык быў знойдзены ў чатырох выпадках, прычым найбольш распаўсюджанымі былі ПЭТ і поліпрапілен. Абодва выкарыстоўваюцца ва ўпакоўцы прадуктаў харчавання і напояў, а таксама ў іншых прадметах паўсядзённага выкарыстання.

Відаць, целы людзей моцна забруджаныя мікрапластыкам, і навукоўцы знаходзяць яго ўсюды, куды б яны ні паглядзелі. Яго ўплыў на здароўе пакуль вывучана мала, але ў лабараторыі было даказана, што мікрапластык наносіць шкоду клеткам чалавека.