Штомесяц у Мінску штрафуюць больш за 11 тысяч "зайцоў"
У сістэме "Мінсктранса" працуюць больш за 300 кантралёраў. Штомесяц яны штрафуюць больш за 11 тысяч пасажыраў. Такія лічбы назваў гендырэктар "Мінсктранса" Алег Дзюбенка.
Ён кажа, што нярэдка паміж "зайцамі" і кантралёрамі ўзнікаюць канфлікты. Вырашыць іх удаецца з дапамогай камер у самім грамадскім транспарце.
"Напрыклад, пасажыры часта кажуць, што толькі што зайшлі. Вядома, з дапамогай відэарэгістратара кантралёра нельга даказаць, што пасажыр едзе ў транспартным сродку не першы прыпынак. Але дзякуючы таму, што ўвесь рухомы састаў абсталяваны сістэмамі відэаназірання, здымаецца велізарная частка прэтэнзій пасажыраў — да 80%. Таму што відэакамеры паказваюць, што людзі ўвайшлі за два-тры прыпынкі да з'яўлення кантралёраў", — перадаюць "Мінск-Навіны" словы Дзюбенкі.
