Сілавікі затрымалі грамадзяніна Ізраіля, гразяць дэпартацыяй у краіну, што ваюе

У Беларусі быў затрыманы выхадзец з Беларусі і цяпер грамадзянін Ізраіля. Падставай для затрымання паслужылі 18 каментароў у сацсетках. Пра гэта мужчына гаворыць на відэа сілавікоў. Паводле яго слоў, каментары тычыліся "прэзідэнта і старшыні Савета Бяспекі Беларусі". Грамадзянства Ізраіля ён атрымаў у 1997 годзе.

Сілавікі таксама прымусілі мужчыну сказаць: "Віну прызнаю, прашу не дэпартаваць у Ізраіль, бо там ідуць баявыя дзеянні, не пазбаўляць віду на жыхарства ў Беларусі і даць магчымасць атрымаць грамадзянства РБ". Адзначым, што на гэтыя фразы сілавікі наклалі відэашэраг з Ізраіля, сутычку артадаксальных габрэяў з паліцыяй.