Сіноптыкі: У пятніцу чакаюцца невялікі снег і слабы туман
6 лютага ў Беларусі будзе воблачна з праясненнямі.
Ноччу ў асобных раёнах чакаецца невялікі снег, днём ён пройдзе пераважна па поўначы краіны, паведамляе БЕЛТА. Месцамі прагназуюцца слабы туман, шэрань. На асобных участках дарог захаваецца галалёдзіца.
Вецер будзе пераменных напрамкаў 3-8 метраў за секунду. Удзень па поўначы Беларусі чакаюцца парывы да 12 метраў у секунду.
Тэмпература паветра ўначы будзе -3...-9 градусаў, пры праясненнях — 10-15 градусаў марозу. Днём чакаецца ад нуля да -5 градусаў.
Фота — tut.by
