Скарацілася колькасць мігрантаў, якія спрабуюць трапіць у ЕС праз Польшчу
У аўторак польскія памежнікі спынілі крыху больш за 300 спробаў незаконнага перасячэння мяжы / twitter.com/Straz_Graniczna
Польскія памежнікі адзначаюць, што паток мігрантаў, якія спрабуюць трапіць у Польшчу з тэрыторыі Беларусі, крыху скараціўся. У аўторак было "зафіксавана 313 спробаў незаконнага перасячэння мяжы", расказалі ў памежнай службе Польшчы. У панядзелак такіх спробаў было 582, у нядзелю — 508.
Нагадаем, у пачатку месяца актыўнасць на мяжы была вышэйшая: 6 кастрычніка польская памежная служба паведамляла пра 667 спробаў парушыць мяжу, 9 кастрычніка — пра 739.
Акрамя таго, учора польскія памежнікі затрымалі 6 замежнікаў, якія дапамагалі мігрантам незаконна пранікнуць на турриторию Польшчы. Гэта грамадзяне Украіны, Балгарыі, Грузіі і Сірыі.
Напярэдадні кіраўнік прадстаўніцтва Еўрасаюза ў Беларусі Дзірк Шубель зноў казаў пра пяты пакет санкцый ЕС супраць афіцыйнага Мінска. Ён зноў падкрэсліў, што новыя санкцыі будуць накіраваныя на арганізатараў нелегальнай міграцыі ў ЕС і тых, хто гэтаму спрыяе. Гаворка ідзе і пра фізічныя асобы, і пра кампаніі. Мяркуецца, што новыя абмежаванні могуць быць уведзеныя ўжо ў лістападзе.
