Следчыя высвятляюць абставіны выбуху ў Мінску

Пацярпеў работнік прадпрыемства, якога пасля аказання меддапамогі адпусцілі дахаты. Ратавальнікі ўдакладняюць, што гэта быў 61-гадовы загадчык фірмы-арандатара. У яго апёкі рук і твару. У выніку выбуху была пашкоджана балконная рама ў кватэры аднаго з жылых дамоў.

У панядзелак на месцы здарэння працавала следча-аператыўная група, апытваліся відавочцы, у тым ліку жыхары бліжэйшых жылых дамоў. Падлічваюцца страты, нанесеныя выбухам.

Ратавальнікі агучылі некалькі версій прычын здарэння: негерметычнасць запорнай арматуры газавага награвальніка і канструкцыйны недахоп награвальніка.