СМІ: Беларускія ўлады праганяюць беглых украінскіх чыноўнікаў
Экс-міністр унутраных справаў Украіны Віталь Захарчанка і бізнесмен Сяргей Курчанка прыехалі ў Беларусь, але іх тут не прынялі.
Пра гэта паведамляе hvylya.org са спасылкай на крыніцы ў беларускіх праваахоўных органах. Паводле іх інфармацыі, увечары 21 лютага Захарчанка прыехаў у Беларусь на аўтамабілі. Бізнесмен Сяргей Курчанка прыляцеў у Мінск звычайным пасажырскім рэйсам.
Па версіі крыніцы, Захарчанка і Курчанка сустрэліся ў Мінску позна ўначы, а раніцай 22 лютага іх наведалі супрацоўнікі КДБ і прапанавалі пакінуць краіну да 18.00. Іначай уцекачам пагражала затрыманне.
У суботу, 22 лютага беларускі МЗС афіцыйна заявіў, што на тэрыторыі Беларусі няма буйных украінскіх чыноўнікаў і палітыкаў.
