"Стаміўся і расчараваўся" — спявак AP$ENT адмяніў канцэрты ў краінах Балтыі
AP$ENT / AP$ENT
Спявак AP$ENT адмяніў бліжэйшыя канцэрты ў краінах Балтыі.
У каментары Еўрарадыё музыка тлумачыць прычыну і кажа, што нічога страшнага з ім не здарылася.
"Я проста стаміўся і расчараваўся. Адбылася чарада падзеяў рознай ступені непрыемнасці, якія падсадзілі мае эмацыйныя акумулятары. Усё сапраўды добра атрымліваецца, аўдыторыя супервыдатная. Але я не выводжу столькі арганізацыйнай працы і працы з людзьмі. Мне трэба адпачыць пагрузіўшыся ў творчасць", — кажа Арсень Кісляк, вядомы пад псеўданімам AP$ENT.
26 верасня AP$ENT мусіў выступіць у Таліне, 27 верасня — у Вільні, 29 верасня — у Рызе.
