Стаў вядомы прысуд палітвязням Вячаславу Лазараву і яго жонцы Таццяне Пыцько
Вячаслаў Лазараў і Таццяна Пыцько / t.me/bajby/
Стаў вядомы прысуд палітвязням Вячаславу Лазараву і яго жонцы Таццяне Пыцько. Лазараў асуджаны на 5 з паловай гадоў калоніі ўзмоцненага рэжыму, Пыцько — на 3 гады калоніі агульнага рэжыму. Судовы працэс праходзіў у закрытым рэжыме, абодвух абвінавацілі ў "спрыянні экстрэмісцкай дзейнасці". Прысуд 25 верасня агучыў суддзя Віцебскага абласнога суда Яўген Буруноў, паведамляе прэс-служба БАЖ.
Віцебскі відэааператар-фрылансер Вячаслаў Лазараў быў затрыманы ў лютым 2023-га. Яго абвінавацілі ў сувязі з недзяржаўным СМІ, прызнаным у Беларусі "экстрэмісцкім фармаваннем". Таццяну Пыцько затрымалі ў чэрвені. Яе абвінавачвалі ў "стварэнні экстрэмісцкага фарміравання або за ўдзеле ў ім". Маленькую дачку Таццяны і Вячаслава Еву накіравалі на ўтрыманне ў дзіцячы шпіталь, а пазней перадалі бабулі.
Беларускія праваабаронцы прызналі Вячаслава Лазарава і Таццяну Пыцько палітзняволенымі.
