Суд над журналістам-палітвязнем Анджэем Пачобутам зноў перанеслі
Анджэй Пачобут / РАР
Судовы працэс над журналістам Анджэем Пачобутам чарговы раз перанеслі — цяпер на 16 студзеня, паведамляе БАЖ.
Гэта ўжо другі перанос працэсу. Спярша яго прызначалі на 28 лістапада, але потым адклалі на няпэўны час. Пазней суд перанеслі на 9 студзеня, але і гэтую дату вырашылі змяніць.
Анджэй Пачобут быў затрыманы 25 сакавіка 2021 года. За кратамі ён правёў ужо амаль два гады.
Пачобута затрымалі разам з іншымі актывістамі польскай меншасці. Большасць з затрыманых пагадзілася з'ехаць з Беларусі ў абмен на свабоду. У краіне застаўся толькі ён і старшыня неафіцыйнага Саюзу палякаў Анжаліка Борыс, якую перавялі пад хатні арышт.
