Суд прыпыніў працу мінскай прыватнай гімназіі "Грын Хіл"
У верасні ў "Стэмбрыджы" было свята / https://www.facebook.com/stembridge.by/
13 кастрычніка эканамічны суд Мінска прыпыніў працу мінскай прыватнай гімназіі "Грын Хіл", паведамляе прэс-служба Вярхоўнага суда. Гэтага патрабаваў Першамайскі раённы аддзел сталічнага гарупраўлення Міністэрства па надзвычайных сітуацыях.
Таксама МНС (Савецкі раённы аддзел сталічнага ўпраўлення) прасіла суд прыпыніць працу яшчэ адной прыватнай школы — "Стэмбрыдж". Але суд не стаў разглядаць заяву, бо школа самастойна вырашыла спыніць дзейнасць і пакінуць памяшканне.
Эканамічны суд Мінска збіраўся разгледзець іскі аб прыпыненні працы чатырох прыватных навучальных устаноў.
